Aye Salaami khiyaam

Aye Salaami khiyaam jaltey hain

Run may naamoos-e-sheh nikalthay hain

Run may bajthay hain fatha kay baajey

Darr sey beyvoun ke dum nikalthay hain

Baithi hain bibiyan andheray mein

Shaamiyon may charaag jalthay hain.

Zeray khanjar hain gardanay Shabbir

Murtuza gham se haath malthay hain

Qabr-e-Asghar say kahti thi banu

Aye lahad hum yahaan say chalthay hain

Tu hamaari tarha se behlaana

Shab ko Asghar bahot machaltay hain

Peish haakim khadey hain ahle haram

Sab kay chehroun pa ashk dhalthay hain

Khainchtay hain galey sey teer hussain

Mu sey Asghar lahu ugalthay hain

Zakhm jalthay hain garm hai jo zameen

Shaahey deen karwatain badalthay hain