Mujraee Sheh ney kahaa bhool

*****

Mujraee Sheh ney kahaa bhool na jaana Zainab

Faateha bhaayi ka paani pa dilaana Zainab

Rahem khaa kar koyi bey rahem agar paani dey

Pehlay tum meri Sakina ko pilaana Zainab

Qaid mein chupkay chalee jaaiyo sar ko neoddaaye

Apni aawaaz na ghairoun ko sunaana Zainab

Run ko mein jaa kay na maidaan sey phir aaoongaa

Qaid tum ho kay meri laash pey aana Zainab

Meray laashey ko kafan gar na mayassar hoyeh

Apni chaadar ka kafan hum ko banaana Zainab

Gar Sakina ka labey naher guzar hojaaye

Laash Abbas-e-Dilaawar ki chuppaana Zainab

Haath sey zalimoun kay gar koyi kapddaa bach jaaye

Nanhi si laash pey Asghar ki uddaana Zainab