Maqtal mein tha jo laasha

Maqtal mein tha jo laasha-e-Asghar tamaam raat

Jungal mein dhoondti rahi maadar tamaam raat

Uriyaan thi laash-e-shamma-e-Shabistaan-e-Mustafa

Parwaana waar phirti thi khawaahar tamaam raat

Baba ko yaad karkay Sakina na sothi thi

Usko na chaen aata tha dum bhar tamaam raat

Ro ro kay haaye aapney chacha ko pukaar kar

Baali Sakina maanga ki gauhar tamaam raat

Ek bey watan kay qatl ki tayyariyaan jo then

Barpaa tha fouj-e-Shaam mein mehshar tamaam raat

Qabzey ko choomtay rahey talwaar toull kar

Shouq-e-jihaad mein rahey Akbar tamaam raat