Karbala sey jo kabhi ho kay

Karbala sey jo kabhi ho kay hawaa aati hai

Kisi Maasoom ki hichkee ki sadaa aati hai

Haan dhadakta na ho marqad mein kahin qalb-e-Rabab

Ali Asghar, Ali Asghar ki sadaa aati hai

Maa samajtee hai dulhan laaoongi aaya hai shabaab

Sheh samajtey hain kay Akbar ki qazaa aati hai

Koyi beemaar na paddtaa ho tahajjud ki namaaz

Raat mein beydiyon ki kyun yeh sadaa aati hai

Qaid khaaney mein qayamat sey siwaa aathaa hai din

Raat kya aati hai ek aur balaa aati hai

Munh phira leytay hain Abbas tapak padtey hain ashk

Nehr ki simth sey thandee jo hawaa aati hai

Kaun sothaa hai kanaarey teray aye Nehr-e-Furaat

Teri mitthi sey abhi boo-eyWafaa aati hai

Jab ziyaada kabhi beemaar main hotha hoon Shaheed

Khud ba khud meray liye Khaak-e-Shifaa aati hai